La Brigade "M", le miel et la ceinture (en wallon de Houffalize)

Li Brigâde M èt l'rèsse...
Av' sov'nance di vosse djône tins k'on nos trawéve lès orèyes (trouer, assourdir) avou l'Brigâde M? I faléve s'ègadji a beûre do lècè (lait) tos lès djoûrs, èt c'èsteût Jean-Claude (Mennessier) li grand sprètch'leûr (baratineûs) â posse, l'INR, po fé l'rèclame.
Come on-z-èsteût fîr di riçûre li diplome di Brigadier M et di pwarter l'bèrloke (li badje) su li stoumak, èscole èt a mèsse li dimègne! Note: en wallon, le "o" de diplome est bref.
Èt subit'mint, stop! On-z-aprind ki l'lècè d'vatche, c'èst jusse bon po lès vês, mès nin po l'-z-èfants dès djins. Mâva po lès ochès (les os), po l'cèrvê, po bin crèchi (grandir).
Li diplome di Brigadier M? Bon a fé do papî d'cabinèt. Li bèrloke? O-zès rikètes (dans les détritus).
Tot d'on côp, fini l'Brigâde M!
C'èst po v' dîre...
Èt l'lâme (et le miel)
Ça fét kékès an.nés k'on dit ki l'lâme (le miel), i gna do pwèzon d.dins. Dès tocsines èt dès ôtès grands mots.
Trop' di lâme, surtout po l-z-èfants, c'èst do puf caca, ça fét do twart po div'ni sûtî (intelligent), ça ècrache li cwar, et tot l'rèsse. Co por (d'autant plus...)  k'on fabrike do l'lâme avou one pârt ki n'èst nin do l'lâme.
C'ès jusse si on nos lèye dès lâmes (des larmes) po plorer!
C'est po v'dîre.

Li cingue (la ceinture)
Âdjoûrdu, dja li on ârtike.
Lès èfants, on n'bouch'rèt jamès assé su zèls.
Lès fèssées, ça n'sèreût nin assé.
C'èst mî d'lès taper avou l'cingue (la ceinture), do costé di l'blouke (de la boucle). Lès rèclôre tote li nut' o l'câve, sins loumîre èt sins soper.
Pokwè? I vont aveûr on vikadje (une vie) di mâleûr, dès guères, dès catastrofes, dès famines, li fin do monde. I leû-z-i fât aprinde a sèye rèsistant, i leû-z-i fât èdurci (endurcir) lès cwènes (cornes) èt l'coyin.ne (couenne) a l'avance.
C'èst po v'dîre...

René Dislaire 21.08.2025 Wallon de Houffalize

Présentation. En wallon, avec quelques mots difficiles traduits en français. Le lait, le miel, les fessées et la ceinture: fausses bonnes idées ou bonnes fausses idées?